វគ្គបណ្តុះបណ្តាលលែងហាំសម្រាប់ស្ត្រី
ព័ត៌មាន & ព្រឹត្តិការណ៍ / មេត្រីភាពកម្ពុជា / 25-Dec-2023
មេត្រីភាពកម្ពុជាបានរៀបចំ វគ្គបណ្តុះបណ្តាលលែងហាំស្ត្រី ដល់ក្រុមអ្នកដឹកនាំស្ត្រីរយៈពេល៥ថ្ងៃនៅខេត្តពោធិសាត់ ចាប់ពីថ្ងៃទី ១២ ដល់ថ្ងៃទី ១៥ ខែធ្នូ ឆ្នាំ២០២៣។ វគ្គបណ្តុះបណ្តាលដល់ក្រុមស្ត្រីនេះជាលើកទី១ សម្រាប់អ្នកដឹកនំាស្ត្រី ក្នុងគោលបំណងជួយអោយពួកគេមានសមត្ថភាពបន្ថែមនៅក្នុងការដឹកនាំក្រុម បង្រៀនព្រះបន្ទូល នៅក្នុងក្រុមជំនុំនិមួយ ព្រមទាំងមានឱកាសប្រកបជាមួយអ្នកដឹកនាំស្ត្រីដទៃទៀតដែលពីបណ្តាក្រុមជំនុំមេត្រីភាពទាំងអស់ក្នុងប្រទេសកម្ពុជា។
វគ្គបណ្តុះបណ្តាលមានការចូលរួមបង្រៀនដោយ លោកគ្រូ គង្វាល ស៊ីន សំណាង និងលោកគ្រូគង្វាល វ៉ា វចនា ព្រមទាំងអ្នកដឹកនាំផ្សេងៗទៀត។
